十二篇範文語譯練習

記錄孔子同徒弟嘅對話。教人要做君子，核心價值係「仁」（修養自己、愛人）同「孝」（尊敬父母、真心），講得出就要做得到（言行一致）

用「魚同熊掌」比喻「義」比「生命」更重要。強調人性本善，唔好為咗富貴名利冇咗「本心」，必要時要識得「捨生取義」

道家代表作。用大鵬鳥同樗樹做比喻，講咩係真正嘅「逍遙」。話唔好依賴外在條件（無待），要睇得穿世俗標準，明白「無用之用」先最自由

強調「學不可以已」（學習唔停得）。學習可以改變本性（化性起偽），只要堅持（鍥而不舍）、累積（積）同專心，普通人都可以變聖人

通過「完璧歸趙」、「澠池之會」同「負荊請罪」三個故事，讚藺相如識大體、廉頗肯認錯。最緊要係將國家安全放喺個人恩怨前面

諸葛亮北伐前寫畀後主劉禪嘅信。勸佢要廣開言路（聽人意見）、賞罰分明、親賢遠小（親近好官），表達自己對漢室嘅死忠

批評唐代唔尊師重道嘅風氣。強調「古之學者必有師」，老師係用嚟傳道、解惑。只要識「道」，任何人都可以係老師，唔分貴賤年紀

被貶永州時發現西山，用西山嘅「特立」嚟比喻自己嘅高尚人品。透過遊山玩水達到「天人合一」嘅境界，解開心中鬱結

借岳陽樓景色講道理。話仁人志士唔似普通人咁易受環境影響心情，提出「先天下之憂而憂，後天下之樂而樂」嘅偉大抱負

借古諷今。話六國滅亡係因為「賂秦」（割地求和），唔係因為兵力弱。警告北宋朝廷唔好重蹈覆轍，唔好以為畀錢買怕就可以安樂

《山居秋暝》: 寫秋天山景好靚，想隱居唔做官，追求平淡自然 《月下獨酌》: 自己同個影飲酒，表面好歡樂，其實好孤獨，展現浪漫想像 《登樓》: 登樓望遠，見到春景靚但國家亂，感嘆時勢艱難，仍然心繫朝廷

《念奴嬌》: 借赤壁懷古，感嘆古代英雄幾勁都變塵土，自己老咗又冇成就，最後以此睇化人生如夢 《聲聲慢》: 寫秋天景物（淡酒、黃花、梧桐雨）嚟表達國破家亡、死老公嘅極度悲慘孤獨 《青玉案》: 寫元宵節勁熱鬧，但有個靚女（作者自喻）獨自喺「燈火闌珊處」，話自己唔同流合污