2026 香港各大學及大專院校Info Day日期懶人包
準備報 2027 JUPAS？咁由9月開始就可以留意下各間大學嘅 Information Day（Info Day／資訊日） 喇。
想睇下間U實際環境、了解課程讀啲咩，或者有啲問題想直接問教授同在讀學生，Info Day都幾值得去。
以下整理咗2026年各間JUPAS大學嘅Info Day日期，方便大家一次過睇晒。
2026香港大學Info Day日期
| 日期 | 大學 | 時間 |
|---|---|---|
| 10月3日（六） | 香港城市大學 CityU | 09:00–17:30 |
| 10月3日（六） | 香港浸會大學 HKBU | 待公布 |
| 10月10日（六） | 香港理工大學 PolyU | 待公布 |
| 10月17日（六） | 香港中文大學 CUHK | 待公布 |
| 10月24日（六） | 香港大學 HKU | 09:00–18:00 |
| 10月31日（六） | 香港科技大學 HKUST | 09:00–18:00 |
| 10月31日（六） | 香港教育大學 EdUHK | 待公布 |
| 11月7日（六） | 嶺南大學 Lingnan University | 待公布 |
| 11月14日（六） | 香港都會大學 HKMU | 待公布 |
部分大學而家只係先公布咗日期，詳細嘅Programme Talk、Campus Tour同其他活動時間就要等學校再更新。
所以如果你已經有心儀嘅大學，記得之後再睇返官方網站，唔好淨係睇一次日期就算。
有撞期㗎！
今年有兩日要特別留意：
10月3日：CityU + HKBU
兩間撞正同一日。如果兩間都有興趣，可以先睇下各自嘅Programme Talk時間，再決定點樣安排。
10月31日：HKUST + EdUHK
科大同教大又係同一日。如果兩間都想去，就要自己安排下時間。
其他大專院校 Info Day
除咗以上9間JUPAS大學之外，香港仲有唔少其他大專院校會舉行Info Day。如果你考慮緊自資學位、副學位、SSSDP課程或者其他升學途徑，都可以順便留意。
| 日期 | 院校 | 時間 |
|---|---|---|
| 9月19日（六） | 香港演藝學院 HKAPA | 10:00–16:30 |
| 10月30–31日（五–六） | 嶺南大學持續進修學院 LIFE | 待公布 |
| 11月7日（六） | 東華學院 TWC | 待公布 |
| 11月13–14日（五–六） | VTC香港高等教育科技學院 THEi | 待公布 |
| 11月21日（六） | 香港恒生大學 HSUHK | 09:30–17:00 |
| 11月21日（六） | 香港樹仁大學 HKSYU | 待公布 |
| 11月21日（六） | UOW College Hong Kong | 待公布 |
| 11月21日（六） | 香港專業進修學校 HKCHC | 待公布 |
部分院校嘅日期已經公布，但詳細活動時間、Programme Talk同登記安排可能會再更新。
如果你有興趣報讀以上院校，去之前記得Check返學校官方網站，睇下有冇最新安排。
去Info Day可以睇啲咩？
其實唔使諗到太複雜，最基本就係睇下：
- 個課程到底讀啲咩
- JUPAS收生要求
- Best 5／Best 6點計
- 各科有冇Weighting
- M1／M2或者其他指定科目要求
- 有冇Interview、Portfolio等要求
- 實習、交換機會
- 畢業之後通常可以做啲咩
如果你已經有幾個心儀課程，最好預先寫低幾條問題。
到時唔好淨係行下Campus、拎下袋就走 😂，直接問Faculty或者在讀學生，通常可以知道啲網頁上面未必寫得咁清楚嘅嘢。
仲未公布詳細時間？
唔使急。
好多大學都會先公布Info Day日期，之後先逐步放Programme Talk、Faculty活動、Campus Tour同登記詳情。
所以而家可以先記低日期／加落Calendar，到活動前再Check一次官方資料就得。
最後更新：2026年9月19日
Info Day日期及活動安排有機會更新，出發之前記得以各大學官方公布為準。
